اهدفك للعام الدراسى الجديد

هدف رائع يا سماء
اذا اول هدف نضعة اننا نحب الدراسة

فعلا يا نور احيانا كتيرة قوى بنضيع وقت طائل قدام التلفزيون والكمبيوتر
اذا ممكن نقول الهدف التانى هو ان مثلا لا يتعدى عدد الساعات المستغرقة امام الكمبيوتر والتليفزيون 6ساعات اسبوعيا

اهداف اه ياجماعة الى انتوا بتقولوا عليها ده انتوا محسسنى انكم هتفتحوا عكا على الترم الى جاى وبعدين اه لازم نحب الدراسة ده بدام انتوا مابتحبوش الدراسة اه الى بيخليكوا تتعلموا ماتقعدوا فى بيوتكم احسن وحتى لو كنتم فى جامعة ليه تدرسوا حاجة انتوا مش حابينها ولانكم لو درستوا الى انتوا عايزينوا هتتفوقوا حتى لو مابتفتحوش كتاب وحسبى الله ونعم الوكيل فى الدراسة الى عقدتكم ده وبحمد ربنا انى بعدت عن الدراسة المصرية وقرفها

جزاكى الله خيرا يا اخت منة لكن عايزة اقولك ان الدراسة فعلا مهمة واننا كمان لازم نحطلها اهداف علشان ننجح فيها لان ربنا سبحانة وتعالى هيسألنا على ما حققنة لامتنا من خلال عملنا الى هو طبعا الدراسة
وبالنسبة لحب الدراسة فاحنا فعلا بنحبها وعلشان كدة لازم نحطلها اهداف نحققها وان كنا ما بنحبهاش يبقى دة مش معناه اننا نسيبها وانما نحبها اقتضاء بقول سيدنا محمد
قال رسول الله طلب العلم فريضة على كل مسلم ومسلمة صدق رسول الله
وشكرا جزيلا على مسهمتك

السلام عليكم ورحمة الله بركاته

اولا شكرا ليكى ع الموضوع الرائع

ثانيا انا اهدافى فى الترم التانى انى احاول اجتهد اكتر من الترم الاول لانى اعتقد انى مدتش الدراسة حقها فى الترم الاول

وشكرا ليكى ع الموضوع

شكرا يا نور على ردك الجميل وان شاء الله كلنا نجتهد اكتر الترم التانى ودة اكبر هدف لينا

فين الباقى كلة يا جماعة يدخل يشارك

السلام عليكم ورحمة الله وبركاته
بصراحة يا بنات سبب فشلي حاجتين 1- تضييع الوقت والاستهتار به
و2- ضعف عزمي باشتداد المصاعب علي
و3- عدم ثقتي بنفسي ويقيني الدائم بالفشل بعد أن اعتدت عليه
وبصراحة من أراد التفوق فليدع القول وليبدأ بالعمل
ويعجبني جدا قول المتنبي:-1
عجبت لمن له قد وحد0000000000000وينبو نبوة القضم الكهام
ومن يجد الطريق إلى المعالي000000000فلا يذر المطي بلا سنام
ولم أر في عيوب الناس شيئا00000000كنقص القادرين على التمام
فالشاعر هنا يتعجب من امرئ مازال في ريعان شبابه ومع ذلك فسيفه متثلم كما يتعجب ممن يجد أمامه طريق المعالي فلا يتعب مطيته أوجمله في الترحال حتى يذوب سنمه من كثرة السفر
وأخيرا يقر بأنه لم يجد في الناس عيبا إلا كون القادر ينقص عن التمام والكمال ويرضى بالذل والهوان
فلنثق بأنفسنا ولنستحضر نية الجهاد في سبيل الله وأننا نتعلم العلم ابتغاء مرضاة الله ونفعا لديننا ووطننا وجزاكن الله خيرا

أما عن أهدافي فأكيد الامتياز وعلى كل مسلم السعي لمثل هذا وأن يجهد نفسه كي يلقى ربه وهو عنه راض

رضاك كان فى منتهى الروعة يا زهرة تسلم ايدك فعلا اثر فى وان شاء الله اغير من نفسى

اذا نقدر نقول ان هدفنا كلنا ان شاء الله الامتياز

شكرا جودي لكني أريدكم أن تشاركونني في كيفية التخلص من سلبياتي الثلاث ربما أستطيع حل الأولى بعمل جدول للمذاكرة والصبر عليه ولكن ماذا عن الثانية والثالثة؟
كيف أقوي عزيمتي ولا أكترث بالصعاب بل أحب تحديها؟
وكيف أثق بنفسي بعدما اعتدت على الفشل؟
وبالأحرى كيف أربي نفسي من جديد؟
أريد حلولكم فهيا أتحفونا

شوفى يا زهرة بالنسبة لمشكلك متقلقيش خالص كلنا بنعانى منها لكن خلينا نفكر ازاى نتخلص منها
توكلنا على الله
متهيالى ان حل الاولى لازم يبقى عندنا قوة ايمان شدية جدا ولازم يبقى عندنا هدف سامى نؤمن بة حق الايمان علشان نقدر نتحمل اى حاجة فى سبيلة
اما التانية يجب ان تكفى عن التحدث لنفسك بصيغة احباط لازم ترفعى من اى عمل تعملية حتى لو كان صغير ادام نيتك فية لله يبقى لازم يبقى عظيم طبعا انا قصدى العمل دة المذاكرة بالنسبة لشعورك بالفشل فانتى مش فاشلة خالص لان مجرد تفكيرك فانك عايزة تصلحى من نفسك فدة معناة انك ملاينة بالجوانب الايجابية
اما عن تربية النفس من جديد فلا تتحقى لنفسك كل ما تتمنة فاذا ارادت الاكل فصومى واذا ارادت النوم فذاكرى واذا ارادت الصوم ففطرى وافعلى مثل سيدنا عمر
يا رب اكون افدتك واسفة على الاطالة

جزاك الله خيرا أختي في الله جودي والله بتشدي من أزري بعد ما بيجيلي إحباط من صحباتي في الكلية
تعرفي أن أحد أسباب فشلي الصحبة كل أصحابي فاشلين عايزاني أكون إزاي بقى وبصراحة معتديش الجرأة حتى لو معجبة بشخصية واحدة إني أكلمها لأني مش بحب أفرض نفسي على حد ناهيك عن إني مش اجتماعية بطبعي
هحاول أفيد من نصايحك وفي اننتظار جديدكم
وأختم بهذيت البيتين الرائعين لعنترة بن شداد
فلا ترض بمنقصة وذل0000000000000000وتقنع بالقيل من الحطام
فعيشك تحت ظل العز يوما0000000000000ولا تحت المذلة ألف عام
وفي النهاية ادعولي عشان نتيجتي كمان أسبوع

جميلة قوى ابيات الشعر بس جايز اكون مكنتش محددة فى كلامى لكن اقولك لازم تبعدى عن اى حد اواى شئ ممكن يكون سبب فى فشلك او تراجعك للوراء

حتى لو كانوا اصحابك المقربين لان سعتها مش هيبقوا مقربين

أيوة يا جودي بس إزاي الواحد يعيش من غير أصحاب
بصي هم أصحابي فئات منهم مهتم لكن في نفسه مفيش تعاون كل واحد بيحب يكون منعزل عن التاني في حكاية المذاكرة بالذات
وفي ناس مش بتذاكر أصلا ومبتحبش اللي بيذاكرو
بس بصراحة معظم أو كل أصحابي معندهمش طموح ولو نفذت كلام الدكتور يتريقوا عليه لانهم مش مهتمين بحاجة وبيمشو بمزاجهم
فهل ترين أن علي التخلي عن جميع أصدقائي والعيش وحيدة ثم كيف أتنكر لهم؟؟؟

لا طبعا انا مقلتش كدة لكن حولى تغيرى منهم وتجدى حد يدفعك للامام ويفتحلك قلبة ويعونك اكتر
اكيد هتلاقى حد كدة الدنيا ملاينة ناس نجحين

طبعا عندي ناس وناس أعرفهم كمان بس علاقتي بيهم مجرد سلام فقط بصراحة ازاي اكون صحبتهم امشي معاهم غصبن عنهم
أما أصحابي لو كلمتهم عن كده يتريقو عليه وبصراحة فيهم بيحسدوا